Presidenti turk Recep Tayyip Erodgan dhe homologu i tij rus Vladimir Putin kanë diskutuar tërheqjen e SHBA-ve nga marrëveshja bërthamore e Iranit, duke u pajtuar që vendimi i Donald Trump ishte i gabuar.

Dy udhëheqësit diskutuan lëvizjen e SHBA-ve përmes telefonit, dhe theksuan që ishte një gabim, thotë një burim turk sipas RIA-Novosti, transmeton portali arbresh.info.

Erdogan dhe Putin kanë ndarë mendimin që “Marrëveshja e Përbashkët e Veprimit ishte një sukses diplomatik, i cili duhet të ruhet”, thuhet më tej.

Publikimi zyrtar në faqen e internetit të Kremlinit thotë se të dy udhëheqësit diskutuan për largimin amerikan nga marrëveshja dhe rëndësinë e marrëveshjes, por nuk përmend në mënyrë specifike asnjë dënim.

Sipas burimit, udhëheqësit turk dhe rus gjithashtu shprehën shqetësim rreth përshkallëzimit të fundit të tensioneve në Siri, pasi Izraeli kreu një sulm ajror masiv kundër objektivave iranianë në vend herët të enjten./Arbresh.info/